انا مصري اذن انا

انا مصري اذن انا مظلوم هي مصر مينفعش يمسكها غير حرامية وبس ولا ايه الا مفيش حد      من اللي قعدوا واستكبروا سنين طويلة انه يبني مصنع يلم فيه الشباب العاطل ولا انهم يوفروا بيوت ادمية لساكني القبور ولا انهم يشوفوا حل لمشكلة اطفال الشوارع ولا الشحاتة اللي تقيبا كل المصريين بقوا شحاتين . هو احنا بجد ظالمين ولا مظلومين ؟؟!!! ايه سرعة الانحطاط اللي بقينا فها دي المفروض اننا دولة نامية من امتي لا عمرمنا اتقدمنا وشايفين حوالينا كل دول العالم اللي كنا بنستعبدها  ذات يوم يبقوا اسياد العالم . عوضي عليك يارب 

العلم وبس

بعد فترة طويلة من العناء والتعب اللي سببته السياسة واللي طلع من غير فايدة او ايجابيات قررت انا وغيري كتير اننا نخرج نفسنا من حاجات لا تعود علينا باي فائدة وبدل ما نتكلم ونهاجم بعض وبس قررنا نهتم ببلدنا اكتر اننا نتعلم كويس ونعوض الحاجات اللي المدارس موفرتهاش ... في جمعيات خيرية كتير في مصر بتهتم بالعمل الخيري التطوعي منها رسالة وصناع الحياة وزاد وغيرهم كتير ومشكورين علي مجهودهم وان شاء الله يكون في ميزان حسناتهم لكن في رأيي ان اكبر عمل تطوعي المفروض يكون طلب العلم وتعليم الناس . ازاي تلاميذ المدارس اللي بينجحوا ويجيبوا درجات عالية بيعانوا من الامية!!! حاجة تضايق مش بيعرفوا يقروا او يكتبوا واسمهم بيتعلموا وبيروحوا مدارس . مش عارفة العيب علي المدرس ولا التلميذ نفسه ولا اهله اللي مش بيتابعوه وكل همهم النجاح وبس ودا اللي بتوفره المدرسة طبعا بالغش  . في مدارسنا بيغششوا الطلبة في مادة الدين بيملوهم الايات من القران مدرسين زمن ايه اللي بيعموا كدة وفعلا يستحق المدرسين اللي بيحصلهم وعدم احترام الطلبة لهم . كل همهم ان مستوي الطلبة يكون متدني علشان ياخدوا دروس عندهم وما شا الله اغني الناس في مصر هما المدرسين خاصة مدرسين الثانوي وعليه لابد اننا نقفل المدارس مبقاش ليها اي تلاتين لازمة ونخلينا ف الدروس اهي علي الاقل بتدخل طب وصيدلة و هندسة والباقي طبعا بيترموا ف تجارة واداب وحقوق . دا غير بعد التخرج مفيش شغل لان الشهادة اللي بناخدها لا ترقي للمستوي اللي بيطلبه سوق العمل . الجمعيات الخيرية بتجاهد وبتعمل دروس تقوية لكن مش هتحقق النجاح اللي ممكن تحققه المدارس لو التزمت برسالتها . الان بقينا زي ما قال دكتور مصطفي محمود اننا هنكون بالنسبة للغرب مثل القرود

Cat in the Rain , by Ernest Hemingway

زوجان امريكيان يقرران قضاء العطلة في ايطاليا . يقيمان في احد الفنادق وتطل غرفتهما علي منظرجميل البحر والحديقة العامة والنصب التذكاري للحرب

الزوجة الامريكية تطل من نافذة الغرفة حيث كانت السماء تمطر فلاحظت قطة صغيرة تختبئ تحت المنضدة وتجاهد علي الا تبتل بالماء . قررت الزوجة ان تذهب لاخذها واخبرت زوجها بذلك فعرض عليها ان  يذهب هو ولكنها اصرت علي ان تذهب هي .

عندما نزلت لاخذها مرت علي صاحب الفندق الذي انحني احتراما لها  وذهبت لتاخذ القطة اثناء ذلك لاحظت الخادمة تفتح لها المظلة خوفا من المطر وادركت الزوجة ان صاحب الفندق هو من ارسلها .  ,  بحثن عن القطة ولم تجدها وعند عودتها الي غرفتها خائبة خاسرة انحني لها صاحب الفندق الرجل العجوز من وراء مكتبه فاحست بانها صغيرة ومهمة في ذات الوقت  , يشعرها بالاهتمام  بها دائما ,ربما   كاب او عم الا انها احبت كل ما يفعله معها من اهتمام والحرص علي راحتها ,,, علي عكس زوجها بلا مبالاته عندما تتحدث معه ...... عادت الي غرفتها 

ازدادت رغبتها ف الحصول علي قطة , اي قطة فتبادلت الحديث مع زوجها الذي كان منهمكا في قراءة احد الكتب ولم يعرها الانتباه الذي تتمناه 

لم تجد الا ان تجلس امام مراتها تتفقد شكلها وشعرها القصير , لا تريد ان يصبح شكلها مثل  الصبي  بشعر قصيرا هكذا , تريد ان تطيله وان تمشط شعرها في الهواء وان ترفعه لاعلي 

ومع كثرة حديثها والذي كان بمثابة ثرثرة بالنسبة لزوجها والذي قطع  عليه قراءة الكتاب , نهرها بقوله اصمتي وخذي لك شيئا لتقرايه .

عبرت الزوجة عن رغبتها في تغيير بعض من اوجه حياتها , حتما انها لا تشعر بالاستمتاع في حياتها , تريد الربيع , ان تاكل في اوان فضية , تريد المتعة ,,,,, ولكن ربما يدل هذا علي فشل علاقتها بزوجها وانه غير قادر علي احتواءها ومنحها الحياة التي تريدها ووربما ايضا شعرت بالملل ايضا من علاقتهما وتريد تجربة شيئا جديدا بعيد عنه او   معه وما يزيد هذا الاحساس ما راته من مواقف متناقضة من زوجها في مواجهة الرجل العجوز .

اثناء حديثهما سمها طرقا علي الباب ,,,, فاذا هي الخادمة قد بعثها الرجل العجوز بامنية الزوجة الامريكية : قطة بلون قوقعة السلحفاة 

بعد الغزوة , معركة الدستور

بادئ ذي بدء انا مسلمة ومعتزة بديني ومش معني اني بهاجم الاسلاميين يبقي بهاجم الاسلام لان الاسلام اكبر من الاشخاص بكتير ولا يمكن مقرانته بهم
لكن اسلوب الاخوان في تعاملهم مع الاخر هو اللي يستحق التعليق . الثورة مقمش بيها فصيل معين علشان يستاثر بنتائجها وينسب لنفسه كل الفضل في حشد الاعداد الكبيرة ويستهزا بالاصوات المخالفة ليه بحجة هدم الدولة .
وصلنا لمرحلة تقريبا انكشفت فيها كل الفصائل وبانوا علي حقيقتهم  وعرفنا مين اللي ثار لمصلحته الشخصية ومين اللي ثار علشان حال البلد كان يستوجب ان دا يحصل .
مشكلة الثوار انهم اعتمدوا علي غيرهم  وحاولوا يبقي لهم علاقة بالاسلاميين شايفة انها كانت نفاق مصالح  ف النهاية العلاقة لم يكتب لها الاستمرار لانها كانت لهدف واحد هو اسقاط نظام ولما سقط مفيش اي حاجة تستوجب انهم يكملوا , خالتي وخالتك واتفرقوا الخالتين .
الاستفتاء كان بداية الصراع لان البعض من الطرفين حوله لمعركة  حول المادة الثانية وكاننا بناقش حاجة اصلا لم تطرح للنقاش .
والمواطن لايص في النص خاصة لما تحول الموضوع لحرام وحلال _غزوة الصناديق_ واللي انتصر فيها الاسلاميين علي اعدائهم انتصارا ساحقا و 77%
تاتي بعدها لعبة كراسي البرلمان وفاز باغلبيتها ايضا الاخوان :  (انتخبوني يرحمكم الله )
مهازل طبعا كنا بنشوفها علي الشاشة تقول عيال صغيرين بيتخانقوا علي اتفه الاسباب وسايبين البلد تضرب تقللب.
نييجي بقي لسباق الرئاسة واغلب المرشحيين ذوو الثقل بردوا اسلاميين
واخر مسمار في النعش هوووو قرار الجماعة انهم ينزلوا الشاطر للعب في الساحة  بعد ما وعدونا بانهم مش هايخدوا الرئاسة كرما منهم طبعا , هما عا يزين اغلبية برلمانية بسسسس
من الماضي الغير مطمئن دا احب ابشركم بمعركة الدستور القادمة وربنا يستر بقي مش عايزين خساير اكتر من اللي حصل

صور الاقصر

الاشتراكيين الثوريين علي حق

كلمت اتحاد شباب الاقصر علشان مشكلة بابا ووقالولي ان ليهم وسيلة اتصال مباشرة مع المحافظ ويقدروا يقدموله الشكوي . بس مش حاطة امل عليه لاني سمعت وقريت انه مش بيعمل حاجة وفي ناس كتيييييييير ندمت انها ثارت ضد المحافظ السابق اللواء خالد فودة ودلوقتي بعد اللي شافوه من الحافظ الحالي بيقولوا ولا يوم من ايامك يا فودة .
ناس كتير شايفة ان الدنيا كانت ماشية كويسة بعد الثورة مباشرة ولكن بعد فترة مش طويلة ابتدت المنحني ينزل للاسفل وبسرعة ومش عارفين السبب ايه ودا اللي بيخلي البعض يتحسر علي الايام السابقة بعد اللي شافوه من ازمة العيش والانابيب والبنزين علي الرغم ان الحاجات دي كانت موجودة من قبل واكتر بس الناس مصرة تربطها بالثورة واحد الاسباب ان الثوار كانوا مصرين علي تنحي مبارك من غير ما يكون ليهم اي خطة بديلة  , سابنا واحنا في نص البحر لا بنعرف نعوم ولا معانا مركب .
واللي اتضح اكتر ان الفساد مش ف شخص الرئيس , النخبة سبب اكبر ازمة انهم ضحكوا علينا بان مبارك هو راس الفساد لو قضينا عليه يبقي نقضي علي جسده , بس جسده مستشري في كل المؤسسات الحكومية
مش عارفة هل الاشتراكيين الثوريين عندهم حق لما قالوا يجب هدم المؤسسات وبناءها من جديد لانهم محقين من ناحية ان اللي اتغير حاجات صورية بس مش جوهرية

ولا حاجة بتحوق فيهم

دا نص الشكوي اللي قدمته باسم بابا
لقد تكليفي في يناير عام الفين وثمانمائة للعمل موجها ماليا واداريا بادارة الاقصر التعليمية واديت عملي بما يرضي الله الي ان قدمت شكاوي عديدة بوجود مخالفات مالية كثيرة بمئات الالاف من الجنيهات متورط فيها كل من السيد احمد رفاعي علي المصري والسيد محمود عبد النعيم شحات  وعندما رفضت انا وزميلتي المساومات علي عدم قول الحقيقة  جن جنونهم واستغلوا معارفهم لاستبعادنامن الوجيه المالي بحجة اننا من حملة المؤهلات المتوسطة  علما بان المديرية بما ما يقرب من خمسين حامل لمؤهل متوسط . وتمادوا في الفساد حتي وصلت الدرجة  باحمد الرفاعي بان يتعدي علي معلمة فاضلة وسط صرح تعليمي وهي السيدةحنان جابر . وهذا قليل من كثير وعندي الادلة والمستندات التي تكشف سرقتهم واختلاسهم وللعلم اذا لم يتخذ اي شئ ضدهم فاني عازم علي اخذ حقي وبعد استنفاذ الطرق السلمية سالجا الي الاضراب عن الطعام وسيتم تصعيد الموقف  وهذا للعلم
حاسة اني بادن في مالطة الفساد متمكن ومشكلته انه شامل قطاعات كتيرة وكلهم شبكة متصلين ومنتفعين من بعض ويارب نقدر نزفهم للزنازين علشان الواحد يحس ان في امل في بكرة وان الحق غالب ولو بعد حين